Álvaro Murillo

8 Km en Mula

Nacido en Estremadura en 1995, Álvaro Murillo reside actualmente en Badaxoz. Comeza a bailar na Universidade de Estremadura en 2013, obtendo o título de Psicopedagoxía da Danza e Técnicas do Intérprete anos máis adiante. Posteriormente, entre 2014 e 2019, dentro do programa formativo do Festival *À Corps (Francia), recibe formación de coreógrafos tales como Imre Thorman, Laurent Falguieras, François Chaignaud, Laurent Chetonne, Christine Bombal, Gaëlle Bourges e Boris Charmatz.

Mellor peza local na plataforma de danza emerxente do festival 17 DZM en Cáceres (2018). O segundo premio na modalidade de danza contemporánea e o premio especial “Festival XII Gatadans” no ‘II CERTAMEN INTERNACIONAL URBAN FÁCYL» de Salamanca (2019). Mellor peza no programa de Danza Inunda da Espiral Contemporánea 2019, na VI semana de danza emerxente Santander (2019).

https://alvaromurillo.net/